ننشر المحادثات السرية في قضية رشوة وزارة الصحة
تنشر "الحدث نيوز" المحادثات السرية في قضية رشوة وزارة الصحة والسكان وذلك نقلا عن جريدة الأهرام .
حيث وجهت النيابة العامة للمتهمين تهمةاستعمال النفوذ للحصول على مزايا متعلقة بعدم تنفيذ قرار غلق مستشفى خاص لإدارتها بغير ترخيص، وإعداد تقرير مزور يُثبِت عدم وجود أي مخالفات بها وجاء ت تفاصيل الاتهامات كالآتي:
المتهمين هم:
المتهم الأول: محمد عبد المجيد محمد حسين الأشهب - 58 سنة - أخصائي أول بشركة مصر للتأمين عن الحياة.
المتهم الثاني: السيد عطية إبراهيم الفيومي - 69 سنة - طبيب ومالك مستشفى الفيومي.
المتهم الثالث: حسام الدين عبد الله فودة حسن - السن 56 سنة - ضابط بالمعاش.
المتهم الرابع: محمد أحمد محمد بحيري - 50 سنة - طبيب ومدير عام الإدارة العامة للتراخيص بالإدارة العامة للمؤسسة العلاجية غير الحكومية المعروفة بـ "العلاج الحر".
نص المكالمات الهاتفية والمحادثات بين المتهمين في قضية رشوة وزارة الصحة
"إيماءً لإذني نيابة أمن الدولة العليا الصادرين بتاريخ 26 /9/2021 ، و11/10/2021 فقد أسفر تنفيذ الإذن عن الآتي":
أولا بالنسبة للهاتف رقم ( 010........) المستخدم بمعرفة المتهم الأول، محمد عبد المجيد محمد الأشهب، فقد وردت عليه بعض الأحاديث الهاتفية على النحو التالي:
في 11/10/2021 دارت محادثة هاتفية بين محمد الأشهب المتهم الأول، وآخر يدعى محمد سراج وكان نصها كالتالي:
الأشهب : "أبو حميد بقلك المبلغ هيتحولك بكره على حساب الكمبوند معلش البن الأهلي
سراج: لا العربي الأفريقي
الأشهب: طيب خد رقم التليفون يا أحمد عشان بتعت له رقم الحساب على الواتس عشان يحولك الفلوس (012......) باسم محمد بيه أمين
سراج: هو التحويل هيبقى باسم محمد بيه أمين ولا باسم الشركة؟
الأشهب: من حساب شخصي عشان فيه بينى وبينهم تعاملات فبدل ميجيبولي نقدي يحولهم عليك أحسن، الحساب على العربي الأفريقي فرع إيه؟
سراج: فرع النيل
مكالمة بتاريخ 11/10/2021 بين المتهم الأول محمد الأشهب وأحمد سراج
الأشهب: يا أحمد أنا أديتهم رقم الحساب بتاعكم هيعمللوكم التحويل بكره وقولتلهم على 10 يكون مبعوت وأنا هبعتلك الرسيت بكره وهعدي عليك أخد الشيك وأخد العقد وأنا نبهت عليهم يعملوا التحويل بدري
مكالمة بتاريخ 12/10/2021 بين المتهم الأول محمد الأشهب والمتهم الثاني السيد الفيومي
الفيومي: تليفونه مقفول يامحمد بيه أنا كان رأيي أن ييجي التحويل وخد منه
الأشهب: أصل أنا الفلوس دي محتاجها على الساعة 12 بكره والفلوس دي هيحولها من البنك الأهلي بكرة فالتحويل ده على بنك غير الأهلي هياخد 48 ساعة
الفيومي: خلاص كلمه الصبح
الأشهب: أنا شايف أن هي حاجة عادية كده كده هيحول الـ 200 فبدل ما يحولهم يسحب 100 ويحول 100 وخلاص محمد يروح ياخدهم منه
مكالمة أخرى بتاريخ 14 /10/2021
الأشهب: دكتور سيد اللجنة إن شاء الله يوم الأحد ول تأخرت لأي سبب هتكون يوم الاثنين لسه مخلص تليفون كانت مكالمة جماعية، بخصوص الموضوع.
الفيومي: تمام
مكالمة أخرى
الأشهب: بقلك يادكتور سيد ميعاد اللجنة بكرة شور أكيد بكرة ؟ لأن الدكتور أحمد سلامة كلم هشام زكي وبيعتذر له جدا النهاردة عشان معظم الدكاترة كانوا في مأموريات بره
الفيومي: يعني أكيد بكرة؟ طيب تمام
مكالمة أخرى
الفيومي : ايه يادكتور سيد بكرة أكيد خلاص جواب نهائي ؟
الأشهب: اه تمام هظبط لك الدنيا
