”جمهورية بلا تمييز” أهم رسائل الرئيس السيسي في عيد الميلاد المجيد

بعث الرئيس عبد الفتاح السيسي بعدة رسائل هامة خلال كلمته في قداس عيد الميلاد المجيد بكاتدرائية ميلاد المسيح بالعاصمة الإدارية الجديدة، في مقدمتها أن الجمهورية الجديدة تسع الجميع بلا تمييز.

وهنأ الرئيس أقباط مصر والبابا تواضروس الثاني بعيد الميلاد المجيد في صدر كلمته، وقال: "عاوز أقولكم على حاجة، أنتم متعرفوش حجم التقدير والاحترام اللي بكنه لقداسة البابا تواضروس، خلي بالكم الرجال بتوزن في المواقف والظروف الصعبة جدا، وإحنا مش عاوزين نتكلم في حاجات مالهاش لازمة، بقولكم خلي بالكم منه، وكل سنة وأنتم طيبين وعيد سعيد"

وتوجه الرئيس إلى الحضور بالتأكيد على أننا كمصريين بدأنا طريقا عاهدنا فيه ربنا وعهدناكم وهنكلموا مع بعض مع بعض كلنا".

وقال الرئيس عبد الفتاح السيسى، خلال كلمته من داخل كاتدرائية ميلاد المسيح بالعاصمة الإدارية، "خلينى أقولكم إن البلد بلدنا كلنا تسعنا كلنا، وأحنا موجودين في بيت من بيوت ربنا"، مضيفًا "اللى حامى البلد دى ربنا سبحانه وتعالى".

كما بعث الرئيس خلال قداس عيد الميلاد المجيد، بعددا من الرسائل، جاءت كالآتي:

1- عاهدنا ربنا وعاهدناكم وبدأنا مع بعض وإن شاء الله هنكمله مع بعض كلنا إيد واحدة.

2- الطريق طريق الجمهورية الجديدة تتسع للجميع ولينا كلنا دون فرق أو تمييز.

3- اوعوا حد يدخل بينا.. اوعوا حد يفتنا.. لأن ده مش هينتهي.. كل ما هنكمل هننجح.

4- والله إحنا بنحبكوا.. ربنا يعينني إني أكون خادم أمين وشريف للبلد دى.

5- ربنا سبحانه وتعالى هو اللى بيحمي.. إحنا في بيت من بيوت ربنا.. ولازم تعرفوا إن اللى حامي البلد ربنا سبحانه وتعالى.

6- الجمهورية الجديدة هي الحلم والأمل والعمل، القادرة وليست الغاشمة، المسالمة وليست المستسلمة.

7- أي تحدي وصعاب تهون لو إحنا كلنا على قلب رجل واحد.. كلنا مع بعض.

وترأس البابا تواضروس الثاني بابا الإسكندرية، صلوات قداس عيد الميلاد المجيد من كاتدرائية ميلاد المسيح بالعاصمة الإدارية ، بحضور عدد من الوزراء لصلوات عيد الميلاد المجيد برئاسة البابا تواضروس الثاني بابا الإسكندرية بطريرك الكرازة المرقسية، والذى يقام بكاتدرائية ميلاد المسيح بالعاصمة الإدارية الجديدة، وعلى رأسهم الدكتورة إيناس عبد الدايم وزيرة الثقافة، والدكتور طارق شوقى وزير التربية والتعليم.

جدير بالذكر أن إحدى الحاضرات لقداس عيد الميلاد المجيد، الذى تقيمه الكنيسة الأرثوذكسية بكاتدرائية ميلاد المسيح بالعاصمة الإدارية الجديدة لافتة مكتوب عليها "السيسى رئيسى".