زوج أنيسة حسونة يكشف آخر كلماتها قبل وفاتها
أكد شريف ناجي، زوج الدكتورة الراحلة انيسة حسونة، أن زوجته الراحلة كانت مهتمة بخدمة الناس حتى آخر لحظة فى حياتها، قائلا: "كانت لآخر لحظة مهتمة بأنها تعمل حاجة تفيد الناس سواء كبار أو صغار، فقر أو محتاجين أو مرضى والمهم يكون في اللي بتعمله شيء يثمر للناس".
وكشف شريف ناجي، خلال مداخلة هاتفية ببرنامج "حديث القاهرة"، مع الاعلامي خيري رمضان وكريمة عوض، على قناة القاهرة والناس، عن أن آخر كلمات زوجته قبل وفاتها "قالت لي هل ينفع كده أني مبقتش قدرة اعتمد على نفسي في الحركة ولا اعمل حاجة وأنى مبقتش قدره أقف ولا اتحرك".
واستكمل: "بالأمس كنا بنعمل فحوصات طول اليوم فى يوم مرهق، وطول اليوم كان فى تهالك في المجهود وروحنا بعد فحوصات عديدة، وكانت المفروض هنام وبعدين فضلنا قلقانين وراحت فى النوم وفى الصبح كان فى شوية قلق وبعدها بربع ساعة نفذ السر الإلهي".
