تعرف على نظام البابل شيت المتطور والذي سوف يطبق خلال العام الدراسي الحالي

تنشر "الحدث نيوز" شرح مبسط لنظام البابل شيت المتطور والذي سوف يطبق خلال العام الدراسي الحالي

نظام البابل شيت السنه دي هيكون متطور شويه عن السنه الي فاتت زي ما الوزير قال

متطور ازاي

هيكون نموذج شبيه بالنماذج الي بيتم تسليمها في الكليات بمعني ايه ؟

يعني الطالب مش هيكتب حاجه كل حاجه هتكون تظليل يعني هيكون فيه أرقام وهو هيظلل رقم الجلوس بتاعه .

وهيكون فيه أرقام النماذج وهو هيظلل رقم النموذج بتاعه.

يعني فكره انك تكتب رقم جلوسك أو رقم النموذج بتاعك زي السنه الي فاتت ده مش هيحصل وكل حاجه هتظللها .

الحركه دي اتعملت منعا لأي تدخل بشري عشان كل حاجه تكون الكتروني وميحصلش أي أخطاء في التصحيح.

والنظام ده هيضمن عداله بنسبه مليون في المائة في التصحيح ولن يكون هناك احتمال وأحد لحدوث أي خطأ..

يعني هنا مثلاً اهو جايبلك أرقام النماذج ( أ ،ب ، ج ،د ) أنت هتظلل رقم النموذج بتاعكوجايبلك أرقام وليكن مثلا رقم جلوسك 1876

رقم الآلاف هو 1 هتظلل رقم 1

ورقم المئات هو 8 هتظلل رقم 8

ورقم العشرات هو 7 هتظلل رقم 7

ورقم الآحاد هو 6 هتظلل رقم 6 .

وفي سياق أخر

تداول عدد من صفحات الجامعات علي صفحات موقع التواصل الاجتماعي "فيسبوك" منشور معتمد من وزارة المالية بشأن زيادة كبيرة في حوافز أساتذة الجامعات مايو المقبل والذي تضمن التالي:

- زيادة حافز الجودة من 1500 إلى 2050 جنيهًا للمعيد بزيادة 550 جنيهًا

- ومن 1750 إلى 2100 جنيه للمدرس المساعد بزيادة 350 جنيهًا، ومن 2000 إلى 2250 جنيهًا للمدرس

- بزيادة 250 جنيهًا، ومن 2500 إلى 2700 جنيه للأستاذ المساعد

- بزيادة 200 جنيه، ومن 3 آلاف إلى 3100 جنيه للأستاذ بزيادة 100 جنيه، بتكلفة سنوية إجمالية لهذه الزيادة تبلغ نصف مليار جنيه وذلك اعتبارا من 1 يوليو المقبل.