طالبة تتهم المدينة الجامعية بالأزهر بمنعها من تشييع جنازة والدها: المشرفة قالتلي مفيش إثبات على الوفاة

اتهمت طالبة في كلية الهندسة تدعى رزان طنطاوي ان المشرفة في المدينة الجامعية رفضت خروجها لتشييع جنازة والدها بعد ان أخبرتها شقيقتها في الهاتف ان والدها توفي .

وقالت الطالبة على صفحتها الرسمية بموقع التواصل الاجتماعي فيس بوك الناس اللي بتسألني اللي حصل بالحرف الواحد كنا في يوم الأربع حوالي الساعة 10 ونص بالليل أختي كلمتني وعرفت إن بابا اتوفي.. انهارت حرفيا وعايزة أمشي.. أنا أصلا كنت إجازة ومتممتش يومها وكنت مسافرة الخميس الصبح وحتى لو كانت سابتني أمشي مفيش أي مسؤولية عليها.. المهم البنات نزلوا وهي مش موافقة.. تخرجني نزلتلهم وأنا منهارة حرفيا وبقولها أني عايزة أمشي قالتلي مفيش إثبات على الوفاة.

وتابعت بعتولي إخطار من المستشفى بالوفاة ومختوم ووريته ليها ع الواتساب.. قالت لو الورقة دي جابوها معاهم هخرج بعتولي، عربية من البيت معاهم الورقة دي وأخويا الوحيد، ودا في 2 إعدادي وجوز أختي لان أنا مش معايا غيرعم واحد واكيد حضرتك عارف عمو هيبقى عامل إزاي في الظروف دي .

وأضافت رزان إلى أن المشرفة رفضت خروجها رغم تواجد شقيقها وزوج شقيقتها، مؤكدة أن المشرفة أنكرت أنها أخبرتها بالسماح معهم في حالة حضورهم،وسبتني ودخلت نامت وقالتلي مش هتخرجي غير الساعه 5 الصبح .