”تخفيض وكالات التصنيف الائتمانى تصنيف تركيا” خطر كبير يهدد حكم أردوغان

علق الباحث الاقتصادي أحمد برهم في تدوينتة له عبر صفحتة علي موقع التواصل الاجتماعي"فيسبوك"، علي ”تخفيض وكالات التصنيف الائتمانى تصنيف تركيا.

وإليكم نص التدوينة:

لما وكالات التصنيف الائتمانى تخفض تصنيف تركيا (تصنيف يمس بعض السندات التركيه) ، فده معناه ايه ؟

يعنى ببساطه ان مخاطرة عدم السداد بقت اعلى

طب انا كمستثمر فى ادوات الدين التركيه (السندات) كده بقيت معرض لمخاطر اعلى ، ومحتاج تعويض او تشجيع عشان اقبل اكمل فى المخاطره ، وطبيعى ان طالما المخاطره زادت ، يبقى لازم العائد يزيد والا تبقى بخساره !!

طيب انا لقيت الدوله التركيه قررت انها مترفعش الفائده ، ولا تعوضنى عن المخاطره الزياده بشكل متناسب ، اعمل ايه ؟

بالضبط ، ابيع السندات اللى بالليره التركيه ، واحولها لدولارات ، واتوكل على الله وامشى

طب لقيت سعر الليره بيقع ، والدولار بيرتفع ، هيحصل ايه ؟

اخاف اكتر و اجرى ارمى اللى معايا باى سعر و اخلع

ده بالضبط اللى حصل مع تخفيض تصنيف تركيا على يد ستاندرد اند بورز ، و التلميحات الغشيمه من قبل المسئولين الاتراك بان لا تراجع عن مزيد من التخفيض للفائده ، ساعتها اى مستثمر متوسط الذكاء هيخلع حتما

ولهذا تدخل المركزى غصب عنه ، لان ببساطه مطلوب منه يوفر دولارات كافيه للطلب الجديد ، والا هتبقى كارثه حرفيا ، وهتبقى فضيحه كمان ، ألمستثمر باع ومش عارف يحول فلوسه واتحبس فى الليره التركيه !!

بالتالى هو المركزى مباعش دولارات جهلا ، هو مضطر انه يعمل كده ، لحد ما يشوف التعليمات اللى جايه من الباب العالي هتبقى ايه ؟ نخفض الفايده كمان و نركب الحلزونه ، ولا هنكتفى بهذا القدر من الزحاليق فى 2021 ؟!.

وفي سياق أخر أعلنت الحكومة الإماراتية عن تطبيق نظام العمل الأسبوعي الجديد بداية من يناير المقبل 2022 وإليكم أبرز المعلومات عن نظام العمل الجديد.

- أربعة أيام ونصف يوم عمل أسبوعياً، والعطلة يومي السبت والأحد، والجمعة نصف يوم عمل حتى الـ12 ظهراً

- القرار يطبق على جميع الجهات في القطاع الحكومي الاتحادي في الدولة ساعات العمل الرسمي في دولة الإمارات بناءً على القرار الجديد.

اقرأ أيضا: رسائل الرئيس السيسي لذوي الهمم خلال احتفالية ”قادرون باختلاف”