خالتك أنوش تكتب ٠٠صراع حموات
هسأل وتقولي الصراحه هو يابنتي كرسي الاعتراف أتفضلي اسالي خير
*بقى ابني بعد ما تعبت فيه تيجي واحدة تاخده على الجاهز ؟!
*طب ما بنتها بعد ما تعبت فيها جه واحد خدها على الجاهز!!
* بس دي شقة ابني اللي تعب فيها وادخلها في غيابها ويبقى معايا مفتاحها كمان !
*طب ما دي شقة بنتها واللي جابت جهاز وتعبت فيها محدش له حق ياخد مفتاح الشقة غير الزوج والزوجة او بالتراضي
*انا امه ولازم مراته ترعاني وتخدمني
*طب ما هي له ام اولى بيها انها تخدمها كل واحد اولى باهله هو اللي مسؤل عنك كوالدته مش مراته ولو مراته بتخدمك فده لانها بنت اصول مش عشان فرض عين عليها ولازم تشيلي حسن خدمتها فوق راسك
*يعني ايه مراتك تروح لاهلها كل اسبوع بيتها اولى بيها
* طب ما ابنك بيجيلك دايما فين المشكلة؟!
*مراته خدته منا خلاص
* طب ما هو خدها من اهلها طالما هي مش بتسئ ليكم ليه نختار الجمل اللي نشحنه عليها في حالة انها فعلا كويسة
* ده بيبحبها وكأن مفيش غيرها في الدنيا
* طب ما جوز بنتك بيحب بنتك وبتفرحي ايه المشكلة لما ابنك يحب مراته
*انا بزعل منها وبقلب عليها انا واخواته لما بتزعل ابني
*طب ما هو اكيد بيجي عليه وقت وبيزعلها انتي مفروض هدفك انك تهديه من ناحيتها فرحتك الحقيقية انك تشوفي ابنك مرتاح في بيته خليها تدعيلك وتقول امه دي ست اصيله
*هو انا كده بعملها ربع اللي اتعمل فيا ده وانا قدها كانت حماتي معيشاني في مر
* وليه تحبي تعيش في اي مُر انتي تحبي تدعي عليكي زي ما كنتي شايلة من حماتك ولسه فاكره اللي كانت بتعمله ..تحبي حد يعيش في ظلم و هتستحملي اثم الظلم في الاخرة؟
*دي وحشة وشكلها مش حلو ومش نضيفة
*هو بيحبه كده ياعديله،
أنتي بتقولي كد عشان عندك بنت لا بقول عشان ديه الحقيقة وأمي وابويا علمونا كد.
بس لو عشان بنتي انسي كل اللي فات وبنتي براحتها تكسر وتخسر ديه خوخه اللي جات بعد دوخه ههههههههههه تحسوا أني ام مصريه اصيله.
