أهم الأخبار
إطلاق فعاليات ”المنتدى الفكري لمركز المعلومات ودعم اتخاذ القرار بمجلس...رئيس الوزراء يتابع مستجدات الموقف التنفيذي لمشروعات وزارة السياحة والآثاروزير قطاع الأعمال العام يتفقد شركتي النصر للمواسير والنصر للسيارات...التعاون الدولي والاتحاد الأوروبي يختتمان المرحلة الثانية من برنامج دعم...نيفين الكيلاني: تذليل كافة العقبات والانتهاء من عملية تطوير المسرح...رئيس الوزراء يتابع مشروع تطوير ”حدائق تلال الفسطاط”اللجنة التنفيذية لاقتصادية قناة السويس تتابع أعمال التطوير والبنية التحتية...جهاز تنمية المشروعات يساهم في تطوير مجمع مدارس القدس بالجيزة...وزير التنمية المحلية يرأس اجتماع لجنة التسيير الخاصة بمشروع أيادي...اللجنة العليا لمنح موافقات ”الرخصة الذهبية” توافق على 8 مشروعات...وزير الرياضة يلتقي اللاعب عزمي محيلبة بطل مصر في الرمايةوزارة التخطيط والتنمية الاقتصادية تستعرض مُبادرات النهوض بمُستويات التشغيل بخطة...
منوعات الحدث

خالتك أنوش تكتب ... الأمهات المستجدة

خالتك أنوش
خالتك أنوش

الامهات المستجدة في موضوع المدارس ده اللي طالع عينهم شراء حجات المدرسة....ومكلفة بقي أشكال و الوان متعرفش ان كله رايح
تعالى اقولك من واقع خبراتي
حضرتك اول اسبوع bottle بخ (هتضيع يعنى) وعشان كده ازازه مياه معدنية بلاستيك كل يوم وهو نازل المدرسة زي الفل على الاقل هيبقي حريص يخلصها عشان يلعب بيها (الولاد بيحبوا اوى يلعبوا فى البريك كرة قدم بازازة الميه)
تاني اسبوع اللانش بوكس بخ بس اللانش باج ممكن ترجع
على تالت اسبوع تبدأي تتصلي بالمدرسة تدوري على اللانش باج على بعضها
في خلال ال ٣ اسابيع دول المقلمه راحت

و بعدين ترجع من غير أقلام و بعدين تروح و مترجعش
بالنسبة لتوك الشعر للبنات بقا عارفة كيس التوك الاستيك اللى ب 5ج ده وفيه كمية توك هاتي منه لان اى توك هتروح بيها مش هترجع (ضاعت يا مامى) فبلاش تكلفي نفسك بقا بمبلغ وقدره لتوك اشكال والوان مصيرها بالاخر هتشوفيها مرة واحدة ومش هترجع تانى
ضيفي إلى ذلك ان البنوتة هتلاقى راجعة مرة فردة شعرها او فاكة الضفيرة عشان هى وصحابتها اتفقو على كده
طبعا بقا بالنسبة للاولاد حدث ولا حرج القميص مقطوع عادى بلاش تتصدمى اول حاجة تشتريها لادوات المدرسة ابرة وخيط لون اليونيفورم اه والله واتعلمى بقا ازى تخيطى القطع يوميا او يوم ويوم وطبعا حاولى يكون عندك اتنين يونيفورم لان غالبا فى واحد هيتقطع خالص ومش هينفع يتصلح
فى البيت بقا اول ما يدخلو فتشيهم اه والله عشان لو سالتى على حاجة وقالوا ضاعت بالبيت تبقى عارفة صح ولا غلط
مثلا فى كراسة الساينس هو راميها بدرج الديسك مع كتاب الماث وبينكر وبيقول لسه مذاكر حالا فيهم ليكون اخويا رماهم من البلكونة
فاعرفي رجع بيهم ولا لاء كذلك باقى الادوات.

ومش عايزه اصدمك واقولك ان في نوعية أطفال بتسيب بقي الشنطة كلها في المدرسة فدى هتكتشفيها مع التجربه

و ان شاء الله فصل الشتا لما يجي ابقي احكيلكم على رحلة الامهات في البحث عن الجاكيتات والايس كاب والاسكارف.
انا بقولك بالامانة من واقع خبراتى
وعلى فكرة ممكن يكون الطفل منظم بس الضغط وزملاؤه واللعب بينسوه فارجوكي بلاش تتعصبي خليكى عادى لانك مش لوحدك وكله رايح

بنك التعمير
الحدث نيوز خالتك أنوش الأمهات المستجدة