سمية الخشاب: بساعد طلبة الثانوية علي السوشال ميديا بمنتهي الحب مش علشان الترند
قالت الفنانة سمية الخشاب لو هيكون ليا لقب أحب يكون "بنت البلد"، و بقول لطلبة الثانوية العامة ما تقلقوش وما تخافوش، الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها، جاء ذلك خلال مداخلة هاتفية لبرنامج خلاص صحينا الذي تقدمه مارينا المصرى على ميجا اف ام .
و أضافت أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد .
و اختتمت قائلة أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله.. وعندي أغنية جديدة هتقلب الدنيا.
