حمو بيكا يوجه رسالة للمتنمرين من رواد مواقع التواصل الاجتماعي
استنكر حمو بيكا مغني المهرجانات الشعبية، التنمر الذي تعرض له بسبب مرضه على صفحته الشخصية عبر موقع فيسبوك، ووجه رسالة للمتنمرين عليه من رواد مواقع التواصل الاجتماعي قائلًا: " حابب أقول للمتنمرين دي حرية شخصية ليك وربنا ميجبلكش حاجة وحشة".
وأضاف خلال فيديو بث مباشر عبر صفحته على الفيسبوك: "أنا طالع اقول أني الحمد لله أحسن من الأول، ولو مسحت البوست دا علشان كمية التنمر، المرض عمره ما يكون فيه تنمر"
وتسائل بيكا في منشوره: "أنت بتتنمر عليا ليه علشان كرشي؟ ربنا ما يكتبها عليك، طلع ناس غلطوا فيا وقالوا ربنا ياخدك، أن لو ربنا أخدني هستريح أحسن ما أعيش وأنا مش عارف أخد حقي، أجري ورا حلمك وبلاش تتنمر على الناس".
ووفي نهاية حديثه وجه حمو بيكا الشكر لكل أصدقائه ومحبيه ومن سأل عنه في أزمة مرضه، قائلا: "اللي بيحبني بدون مقابل دا معدنة كويس، واللي أتنمر عليا في شدتي حابب أقوله ربنا يسمحك ومشفش فيك حاجة وحشه.
ونشر حمو بيكا في وقت سابق منشور يوضح حالته الصحية والأزمة المرضية التي يعاني منها، وهي مرض "الكرونز"، وجاء المنشور كالتالي:
تتنمروا علي المرض ؟!
يعني اتنمرتوا عليا قولت ماشي ، اتنمرتوا علي صوتي قولت ماشي ، اتنمرتوا علي شقتي و فرحي قولت ماشي ، لكن يوصل بيكوا الموضوع انكوا تتنمورا علي المرض ؟!
ده ابتلاء من عند ربنا - سبحانه و تعالى - و انا راضي بيه الحمد لله ،،
بقول لكل حد اتنمر عليا ربنا يحفظك من مرض ( الكرونز ) اللي عندي ده و يحفظك من اي مرض تاني ، و شكرا لكل اللي سأل عليا ، انا بقيت احسن الحمد لله ،
بس ياريت نفتكر دايما ( من عاب بشئ ابتلي به ) ، و إن مهما حاولتوا تأذوني فمافيش حاجه هتحصلي غير اللي ربنا كاتبها ليا ،
انا راضي و مؤمن الحمد لله و عارف ان ربنا عز و جل مش هيدخلني في حاجه غير و انا قدها و ده الدليل القرآني ( لا يكلف الله نفساً إلا وسعها) ،
فشكراً ليكم و لكل واحد مش بيحبني ( فلتقل خيرا او لتصمت ) .
اقرأ أيضا: تصريحات المخرج هادى الباجورى الأخيرة تثير غضب ياسمين رئيس
