ناهد رشدي: كنت بصدق محمود المليجي في أي دور
قالت الفنانة ناهد رشدي، إنها من عشاق مسلسل الكبير أوي، لأنها تقدم كوميديا "لذيذة"، موضحةً: "محتاجين نضحك، كفاية الضغوط على الشعب".
وأضافت رشدي، في حوارها مع الإعلامية الإعلامية قصواء الخلالي، مقدمة برنامج "في المساء مع قصواء"، على قناة سي بي سي، أن هناك فارق بين الفنان والممثل: "الفنان حاجة تانية خالص، زي محمود المليجي، بنخاف منه لأنه شرير وبنصدقه إنه شرير، رغم إنه إنسان طيب جدا في الحياة".
وتابعت: "اللي بنصدقه في كل دور هو الفنان، لكن في ممثل قدير بس مش فنان، عشان كده بتضايق إن ممثل أو ممثلة طلعوا مشهد أو مشهدين أو مشاهد كتير يكتبوا عنهم فنانين، ليه؟! اكتبوا الممثل أو الممثل القدير، اكتبوا كل حاجة إلا فنان، لأن الفنان حاجة تانية مثل أحمد زكي".
ووصف الفنان أحمد أمين بأنه فنان، لأنه صادق: "صدقته في الكوميديا وصدقته في جزيرة غمام، عندنا فنانين كتير كويسين جدا، لكن لازم الجمهور يصدق الفنان في كل دور".
كما تحدثت عن الغناء، وقالت إن هناك فارق بين الطرب والغناء، موضحةً: "بهاء سلطان صوت وإحساس، وبالتالي ده مثال واضح على الفارق بين المطرب والمؤدي".
وأشارت، إلى أنها لا تنسى عملين فنيين شاركت فيهما وهما مسلسل "سفر الأحلام" لوحيد حامد وسمير سيف، ومسلسل الحب وأشياء أخرى لإنعام محمد علي: "لا أنسى دور فردوس وإكرام، المخرج كان يستناني لحد ما أبدأ احس بالشخصية، لكن دلوقتي مفيش وقت للكلام ده".
