بالفيديو.. محمد حماقي: بحضر حاليًا أغنية single للصيف مع توما

قال الفنان محمد حماقي أنه يقوم حاليًا بالتحضير لأغنية single مع صديقه الموزع توما، وينوي طرحها في الصيف.
وفي مداخلة هاتفية لبرنامج "لمن يهمه الفن" تقديم أميرة نور" علي إذاعة نغم F.M قام الموزع الغنائي توما الذي كان ضيفًا على الهواء، بعمل مفاجأة لمحمد حماقي واتصل به من هاتفه على الهواء، وقال له: حماقي إنت معانا دلوقتي على الهواء، وعايز أسألك كام سؤال.

وقال حماقي في المداخلة أن أغنية" كان وكان" التي قام بتوزيعها توما، لها معهما حكاية كبيرة: "في الأول عملنا اللحن وبعدين كتبنا الأغنية، وبعد ما توما وزعها وعجبتني رجع قال لي أنا غيرت فيها، فقولت له ليه عملت كده؟، فقال لي إسمع وبعدين أحكم، ولما سمعتها معلقتش خالص وسكت شوية، وبعدين لقيتها حلوة قوي وقولت له القرار ده هاخده علي مسؤوليتك وكان الإيقاع أسرع والحمد لله نجحت جدا".

وعن علاقته بتوما قال حماقي: " توما من أقرب الناس ليا، وبرد عليه في أي وقت وبعتبره أخويا، وأول ما عرفت توما كان بيلحن ويغني، وأنا عارفه من زمان، وفرحت جدا لما سمعني أغنية "عجبي عليك يا زمان"، واتعملت بعد الكورونا، ولما سمعني الدخول بتاعها في مرة وإحنا قاعدين عجبتني بس ما كانتش كاملة، وقال إنا هنجت، فوقفت قدام المايك وغنتها لحد ما خلصت".
وعن أعماله الجديدة قال حماقي: "لسه راجع من دبي وأنا وتوما حاليا بنحضر أغنية single للصيف".