خالتك أنوش تكتب ..دبابيس ليلة الفلانتاين

- أحب أبشركم بمناسبة عيد الحب ..مصر الأولى عالميا في الطلاق وأظن كمان في السهوكة، ويمكن الأولى في معلش عشان خاطر العيال!

-حب ..حب إيه؟!.. الواحد من كتر الديون بيشوف love على أنها ١٥٧٤.

- طب السؤال: الناس في عيد الحب بياكلوا إيه؟ الأونطة.. بياكلوا الأونطة.

- بيقولك: إملى مايه فى كوز مخروم ولا تحب حد ملهوش لزوم.

- ‏الراجل لو خيروه بين المحترمة وقليلة الأدب هيختار المحترمة ويخونها مع قليلة الأدب، وفي عيد الحب هيحفل على الأولى ويحتفل مع التانية.

- ‏متدخلش علاقه بكل أحاسيسك سيب إحساسين تلاته بره علشان لما العلاقة تبوظ يضربوك قلمين يفوقوك.

- و يا بخت اللي بات معشوق ولا باتش عاشق ...ومتشحتف يجيب دباديب - يعني طول حياتنا واقعين في مشاكل مع بعض وهنيجي في فبراير نقع في الحب احترموا نفسكوا بقى!

- مش ماشي معاي موضوع الفلانتين ده… بس أعملوا حسابي في عاشوراء أكيد!

- اللي محيرني إذا انفصل اثنان بعد عيد الحب، فلمن ترجع حضانة الدبدوب - وعلى كل حال عيد حب أعاده الله عليكم بالمحن والسهوكة وجهنم الحمرا بإذن الله!