الرأي

خالتك أنوش تكتب ..سور مجرى العيون

خالتك أنوش
خالتك أنوش


-اناوصاحبتي قولنا نفك شويه.
وقد كان و بعد ما خدناةقعدتنا و بنطلب الشيك :
_الحساب من فضلك .
- حاضر يافندم أتمنى المكان يكون عجبكم
- آه جميل.. ياريت تجيبلي الشيك من فضلك
- اتفضلي
- اقرء كدالحساب دا كام؟
- 520 جنيه يا فندم
_قول والله. أحلف كد أحنا شربنا يابني مش أكلنا ؟
- أه حضرتك دا حساب المشروبات
-حساب المشروبات ولا حساب الملكين؟!
-خد هنا قولي ايه اللي 60 جنيه دي ٢ إزارة مية ؟! نعم هو انت جايبهالي من بير زمزم؟!
- لا

- لو شربتها هتخلي دعوتي مستجابة؟!
- بصي حضرتك
- ابص ايه دا أنا اتعميت .. انا لسه ماكملتش..
واحد قهوه واحد مانجة 250؟
هو نوع القهوة ايه اوعي تكون بتاعت عدلات بس انا ماتصلتش!
ولا المانجة ملاحقه عندي في الفريز علي الأقل هبقى ضامنة مصدرها
_خد هنا أوعي تقولي أن الدونتس والكيك بباقي المبلغ
_ تمام يافندم
_تمام في عينك ليه معمول ببيض نعام ودقيق دهب متخلنيش أجيب كيلو دقيق وافرجك هطلع منه كام صنف ونوع
- يا فندم احنا مكان ليه اسمه ومحترم
_وبعدين أنا مالي بالاسم الكبير مش هاخده معايا وانا ماشية
_عايزة تاخدي الاسم ليه يافندم
_عشان بسببه الفاتوره 520
- يافندم المكان برند وكل زواره هاي كلاس
_يانهارك مش معدي
اندهلي المدير حالا.. يا مدير.. يا شاويش. يا بوليس
- بلاش كد حضرتك .. هتقطعي عيشي
= وايه يعني لما اقطع عيشك، ما انت تستاهل
ما انت جايبلي فاتورة تقطع الخلف والنفس وعاوزني ادفعها.. اندهي معايا وانا وصاحبتي طلع علينا ب.يامدير يا بوليس
ابوس ايديك خلاص
- شوفي عاوزه تدفعي كام وانا هدفع الباقي حضرتك، بس بلاش شوشره وقطع عيش
_ لا وانت تدفعلي من جيبك ليه.. هو انت بتاخد كام يعني عشان تكمل حساب الزباين من جيبك!
- تسع تلاف وسبعه في المية خدمه
-خد هنا الحكومة عارفة الكلام ده؟
_والحكومه تعرف ليه يافندم
_علشان يا حبيبي يخليكو تصبحوا علي مصر بجينه .ومتجابش غير رغيف العيش ابو جنيه، لا دا أنت تندهلي المدير بقى
- ليه بس ياهانم
- أندهلي يابني المدير ابوس ايديك
_خلاص يافندم متدفعيش خالص واتمني تكون الخدمه عاجبتك
= لا الخدمة ما عجبتنيش والحساب ما عجبنيش ، وبسرعة عايزه المدير
- اللي تشوفيه يا فندم.. وبالنسبة للخدمة شوفي حضرتك عاوز ايه وانا اجيبهولك
-عاوزه المدير عشان اقوله انك موتني بالفاتورة ديه
- اطلبي اي حاجة غير المدير يا فندم اجيبهالك
_هاتلي لب ازرق وكاجو اصفر وشيشه جزر
- لا يا فندم انا هجيبلك المدير وارحم نفسي احسن .
- اهلا بيك يا فندم.. حضرتك محتاجني انا مدير المكان هنا،
- انا عاوز اشتكيلك من الخدمة وطريقة معامله الاصطاف
- لا لا لا ما يصحش الكلام دا يحصل في مكان محترم زي المكان بتاعنا.. اعتبريه مرفود يا فندم.. تؤمريني بحاجة تانية؟
- اه..
- اؤمري
- بما أنك رفدته ف انا وصاحبتي احنا الاتنين عاوزين تشتغل مكانه وهناخد كل احده 5 الالف بس واحنا كمان خبره وهنصبح من المرتب علي مصر بجينه وهنشتري كمان العيش ابو جنيه
قولت ايه ؟

الحدث نيوز
سور مجرى العيون