خالتك أنوش تكتب..رجعوني زمان

مش عايز موبايلات ولا تكنولوجيا... عايز التليفون الارضي الرمادي ابو قرص وسلك طوييييل اتكعبل فيه كل شوية وهو في السبت الملون .
مش عايز دش و 2000 قناة... عايز الاولى والتانية والتالته وبس كده شكرًا...
مش عايز الفلاشة والسي دي... عايز الكاسيت ابو باب واحد واجيب شريط فاضي واسجل عليه صوتي او الاغاني اللي بحبها من التليفزيون او الراديو...
مش عايز فيس بوك ولا واتس آب...
عايز نرجع تاني نتزاور ونتجمع ونتقابل ونطمن ونتصل ببعض ونطمن لما نسمع صوت بعض مش برسالة على الواتس آب
مش عايز اذاعة ال fm... عايزة اذاعة الشرق الاوسط والبرنامج العام وهنا القاهرة
مش عايز سخافات واستخفافات واستظراف
عايز الكاميرة الخفية بتاعة الراحل إبراهيم نصر مع الناس الطيبة التلقائية الحقيقية بدون تمثيل او اتفاقات في شوارع مصر
مش عايز المولات والمحلات الفخمة والبراندات...
عايز .محلات العتبه والموسكى والبس الكوتشى بتاع باتا الابيض زي اصحابي كلهم ونبقى كلنا زي بعض
عايزةارجع استنى يوم الخميس عشان اخلص كل واجباتي ومذكرتي واصبح الجمعة اجازه
عايز اعلانات طارق نور اللي كنت حفظها كلها صم ولغاية دلوقتي ❤
نفسي اصحى في يوم من الايام الاقي اغاني المهرجانات والافلام الهابطه المقرفه انقرضت واتمنعت وكانت كابوس وراح لحاله.
عايزه النت دها يكون ليه فوقت محدد ف اليوم مش هو كل اليوم
كفايه حوادث قتل وتحرش واغتصاب رجعولنا الاخلاق زي زمان
عايز الماضي بكل هدوءه وبساطته وطيبته ونقائه
عايز ارجع لزمني رجعوني تعبت